MARIO RUBÉN ÁLVAREZ [13.129]

MARIO RUBÉN ÁLVAREZ 

Nacido en Potrero Ybaté, Paraguay en 1954. Poeta y periodista. Cursó la carrera de Comunicaciones en la Universidad Católica y estudió guaraní en el Instituto de Lingüística Guaraní. Tiene una extensa trayectoria como periodista de medios radiales y escritos. Integró el Taller de Poesía Manuel Ortiz Guerrero y sus primeras publicaciones integraron los poemarios colectivos del grupo: ...Y ahora la palabra (1979), Poesía Taller (1982) y Poesía Itinerante (1984). Posteriormente publicó los poemarios La sangre insurrecta (1992) y Ñe’ẽ apytere / A flor de ausencia (2007). Como investigador del arte popular ha publicado la colección Las voces de la memoria y el libro Folklore paraguayo. Ha traducido al guaraní obras de reconocidos autores paraguayos.

 CIELÍTO DE LOS SÍN TIERRA

Dónde, querido Cielito,

está la tierra prometida

hace infinitos siglos

que perdemos el aliento tras ella.

Como un espejismo, a veces,

ya está en la punta de los ojos

y ya atrapada en nuestras manos

escapa una vez más.

Tenemos por cierto, Cielito,

que hasta Dios ya olvidó

a los más pobres de los pobres,

solos mordemos la soledad.

Los que amparan las cadenas

en Asunción, muy lejos,

los que amparan las cadenas,

Cielito, nos entierran a golpes.

Cuando ya asoma

la cabecera de nuestro sueño

ya retumban las balas

la muerte nos arrea de nuevo.

El Paraíso para la siembra

es un territorio imposible

los que se hartan de tierra

solo quieren más hectáreas.

Nosotros que amamos

la fiesta del maíz y del maní

queremos alas de mariposas

en nuestro propio jardín.

Cuándo, cuándo Cielito

quedará denucada la noche

al ver, después de tanto,

el alba en nuestra tierra.

La traducción al castellano corresponde al autor

YVY'Ỹ CIELITO

Mamo piko nde Cielito

oime ore yvyrã ohopa,

aretémango tesaýpe

juku'ápe romuña.

Ha'etéku sapy'ánte

roguahẽtamava chupe

ha ore póguima Cielito

oveve jey orehegui.

Oréko ro'e Cielito

Ñandejára jepeve

hesaraiha mboriahúgui,

ore añóko ropyta.

Umi ore ruguy oipytéva

Paraguaýgui, mombyry,

ore sãso ndoipotáiva

Cielito oiko ore nupã.

Iñapysẽmárõ hína

roha'ãrõva arete

oúma mbokapu ore ári,

ore juka, ore mosẽ.

Kogatyrã rohekáva

ndaikatúi rohupity:

umi heta oguerekóva

oipota ha oipotave.

Ore avei roñotỹséva

manduvi ha avati,

rojuhuse yvotytýpe

ovevérõ panambi.

Araka'épa Cielito

oguéta oréve pytũ

hasypeve rohechávo

ore yvy teépe ko'ẽ.

IHAʼARÕMBY

Toúna ñeʼẽ,

ñane retã apére toguata,

óga kapiʼípe toguahẽ,

táva guasu tohuguãitĩ,

toyʼu ysyry satĩme,

topytuʼu yvyra guýpe

opa rupi taʼisarambi,

toikuaa ñembyasy rova,

tomyendy vyʼa rata,

tomombarete mborayhu,

toikytĩ kyhyje sã,

tomoirũ pyʼa guasu,

mitã resa tomokã,

kyse ha mboka tomuña,

tomyakã purahéi,

ñaña ruguái toisuʼu,

toúna ñeʼẽ,

ára pyahu togueru,

tomondoho tesay,

tombogue pyʼa rasy,

tombopuka panambi,

tomoheñói koʼẽ pepo,

toúna ñeʼẽ

ha kirirĩ pukuete pytu

toso, topa, tomanoite.

KIRIRĨ

Kirirĩ,

aretéma kirirĩ

opoñy ñande ruguýre,

oguata ñane kũ ári,

ojokua ñande ahyʼo,

ñande pytu,

ñande pypore.

Kirirĩ opuka ñande rehe,

onembohory ñande pirére,

kyhyje tukumbópe ñanenupã.

Kirirĩ héra,

oikove,

opa rupi oguata,

hesa omongaru,

oiko ojapysaka.

Ha katu oikuaaʼỹre,

hesaʼãme,

ñeʼẽ hata omongakuaa.

Koʼẽrõitéma

kirirĩ ikusuguéta.

TETÃ RAPO PYAHU

Nde vállegui mombyry

kirirĩhápe reñeñotỹ

ndereguerekói kurusu

ñanámante ndeahoʼi.

Pedro Ignacio Gamarra

aretémango nde rekañy:

mamóiko ogue nde pypore

aváiko oñotỹ umi nde resa.

Ágã peve ne kuimbaʼe

okañyetéva upe neʼã

ha, pérupi, kyhyjepópe

ojeʼémiva rejejukaha.

Remongúigui mborayhu

remoheñóigui tekojoja

remotenondégui ndeichagua

nde pypore oñembojeʼo.

"Ágãnte oguahẽne avei

pende rekávo kyse akua"

ndaje mburuvichápe ere

oĩmbámarõ nde kuararã.

Aníke reimoʼã rei

nde ruguy oñeñohẽha

opáyma ohóvo pyʼa nandi

yvýguio ipytuhẽma sãso.

TECHAGAʼU RATA

Kaʼaru ãgui ku sapyʼánte

techagaʼu rata ou che jope

oheka tesay rapo pypuku

omongusugue pyʼaguapy.

Oja kirirĩhápe che ykére

ahenoiʼỹre chupe oguãhẽ

hogaperõguáicha haʼe oike

omyangekói pe che rekove.

Ko tata che rapy asýrõ hina

tahejáke ahejáva: vyʼa,

tembiapo ha mborayhu roky

che róga gotyoma ke taha.

Oguéma voi chehegui ahakuévo

nachemohendáiva mamove

hyakuã jeýma arasa poty

hokypa rei panambi pepo.

Vyʼáko che vállepe aguãhẽvo

ou pukavy rendýpe che añuã

upépe añoite oĩ pohã guasu

omongueráva che mbaʼa